عومــه‌ری كوڕی عــه‌بدولعه‌زیز کێ بوو؟

جارێكیان عومه‌ڕی كوڕی عه‌بدولعه‌زیز كچه‌كه‌ی خۆی بینی ئه‌گریا ! پێی وت: بۆچی ده‌گری؟ كچه‌كه‌ی وتی: چونكه‌ هه‌موو منداڵان جلی نوێیان هه‌یه‌و منیش كه‌ كچی خه‌لیفه‌م جله‌كانم كۆنن!
بۆیه‌ عومه‌ر به‌ره‌و (بیت المال)ڕۆیشت وبه‌ ده‌رگه‌وانی ژووره‌كه‌ی وت ،ئایا ڕێگه‌م ده‌ده‌یت له‌به‌شی موچه‌ی مانگی داهاتووی خۆم پاره‌ ببه‌م ؟ ده‌رگه‌وانی (بیت المال) وتی: به‌ڵێ ئه‌ی خه‌لیفه‌ی مسوڵمانان به‌ڵام به‌مه‌رجێك به‌ڵێنم پێبده‌ی كه‌تا ساڵی داهاتوو له‌ژیاندا بمێنی ! هه‌ربۆیه‌ عومه‌ر به‌ده‌ست به‌تاڵی گه‌ڕایه‌وه‌ ماڵه‌وه‌و كچه‌كانی به‌په‌رۆشه‌وه‌ لێیان پرسی چی بوو باوكه‌؟ ئه‌ویش وتی (ئایا ئارام ده‌گرن تا هه‌موومان به‌یه‌كه‌وه‌ بچینه‌ به‌هه‌شت،یاخود ئارام ناگرن وباوكتان بچێته‌ دۆزه‌خ)!!! ئه‌وانیش وتیان ئارام ده‌گرین… ئه‌مه‌یه‌ عومه‌ری كوڕی عه‌بدولعه‌زیزی نه‌وه‌ی عومه‌ری كوڕی خه‌تاب(ڕه‌زای خوای گه‌وره‌ له‌هه‌ردووكیان)